لاہور(نامہ نگار)غازی آباد پولیس نے 15 کال پر فوری ریسپانڈ کرتے ہوئے 16 سالہ لڑکی سے زیادتی کرنیوالے ملزم ذیشان کو گرفتار کر لیا۔ملزم لڑکی کو نوکری کا جھانسہ دیکر اپنے گھر لے گیا اور زبردستی زیادتی کا نشانہ بنا ڈالا۔ پولیس نے والدہ کی مدعیت میں مقدمہ درج کر کے قانونی کارروائی کا آغاز کر دیا۔ داتا دربار پولیس نے معصوم شہریوں کی تلاشی کے بہانے رقم اور موبائل ہتھیانے والا جعلی پولیس اہلکار گرفتار کر لیا۔نوسرباز ملزم شاہ رخ خان نے مزدورکی تلاشی لے کر موبائل اور رقم نکال لی تھی۔شیراکوٹ کے علاقہ سے ڈولفن سکواڈ نے موبائل سنیچر گرفتار کر لیا۔پولیس نے شہری سے چھینا گیا موبائل فون برآمد کرکے ملزم کیخلاف مقدمہ درج کر لیا۔ ستو کتلہ، سندر، رائیونڈ اور چوہنگ پولیس نے ناجائز اسلحہ رکھنے والے 4 ملزمان گرفتار کر لیے۔گرفتار ملزمان میں رخسانہ اللہ، علی احمد،غلام علی اور شبیر حسین شامل ہیں۔ ملزمان سے 3 عدد رائفل اور30 بور پسٹل و گولیاں برآمدکی گئیں۔شاہدرہ ٹاؤن پولیس نے آن لائن پتنگ فروشی کا دہندہ کرنیوالے ملزم عابد کو گرفتارکر لیا۔ملزم عابد سے ہزاروں مالیت کی 200 پتنگیں اور 11 کیمیکل ڈور کی چرخیاں برآمد کر لی گئیں۔ قلعہ گجر سنگھ پولیس نے نجی ہوٹل سے غیر اخلاقی حرکات میں ملوث مرد و زن سمیت 10 ملزمان گرفتار کر لئے۔