ملتان: آتشبازی سے تباہ عمارت کے ملبے سے مزید 3 نعشیں نکال لی گئیں، ہلاکتیں7  ہو گئیں 

ملتان (نوائے وقت رپورٹ) دہلی گیٹ میں آتش بازی کے سامان میں دھماکے سے عمارت گرنے کے ملبے سے مزید 3 افراد کی لاشیں نکال لی گئیں۔ پولیس کے مطابق مزید 3 لاشیں ملنے کے بعد حادثے میں مرنے والے افراد کی تعداد 7 ہو گئی ہے۔ جمعے کی رات مکان کے اندر آتش بازی کے سامان کی تیاری کے دوران دھماکا ہوا تھا۔ اہلِ علاقہ نے  کہاکہ اپنی مدد آپ ملبہ اٹھا رہے تھے کہ مزید 3 لاشیں ملنے پر پولیس کو اطلاع دی۔ اس سے قبل ریسکیو حکام نے 4 لاشیں اور 3 زخمی نکالنے کے بعد آپریشن مکمل ہونے کا اعلان کیا تھا۔