سابق ہاکی کھلاڑی محمد یعقوب کی والدہ انتقال کر گئیں

لاہور(سپورٹس رپورٹر) پنجاب پولیس کے سابق ہاکی کھلاڑی محمد یعقوب پہلوان کی والدہ اور انٹرنیشنل کھلاڑی ابرار حسین کی نانی شیخوپورہ میں انتقال کر گئیں۔ مرحومہ کو مقامی قبرستان میں سوگواروں کی بڑی تعداد کی موجودگی میں سپرد خاک کر دیا گیا۔ کھیلوں سے وابستہ افراد نے مرحومہ کے انتقال پر گہرے دکھ و افسوس کا اظہار کرتے ہوئے ان کے بلند درجات اور لواحقین کے لیے صبر جمیل کی دعا کی۔