لاس اینجلس + لندن (نوائے وقت رپورٹ+ نیٹ نیوز) بریڈپٹ ہیرو سے ولن بن گئے، لاس اینجلس پولیس ان کے خلاف بچوں پر مبینہ تشدد کے الزامات کی تحقیقات کر رہی ہے بریڈپٹ پر نشے کی حالت میں بچوں پر تشدد کا الزام ہے، انجلینا جولی نے بریڈپٹ سے علیحدگی کیلئے عدالت میں درخواست دائر کر رکھی ہے۔ دوسری طرف لندن کے مادام تساﺅ میوزیم میں انجلینا جولی اور بریڈپٹ کے مومی مجسمے بھی جدا کر دیئے گئے، انتظامیہ کے مطابق 2013ءمیں نصب کئے گئے انجلینا جولی اور بریڈپٹ کے مجسموں کو الگ کر کے ایک دوسرے سے تھوڑے فاصلے پر منتقل کر دیا گیا ہے۔ انجلینا جولی نے شادی کی تنسیخ کے لئے عدالت میں درخواست دائر کی ہے۔ بیان میں کہا گیا تھا یہ فیصلہ بچوں کی صحت کی خاطر کیا گیا ہے۔
مادام تساﺅ/مجسمے جدا