سیالکوٹ، ڈسکہ، پسرور، ستراہ(نامہ نگاران)موترہ بڈیانہ روڈنانووالی کے موٹرسائیکل اور ٹریکٹر ٹرالی کے تصادم میں تین سگے بہن بھائی جاں بحقہوگئے جبکہ باپ معجزانہ طور پر محفوظ رہا۔ نواحی موضع پنج گرائیاں کا شبیر اپنے بچوں 4 سالہ سمیع، 6سالہ شعیب اور 8 سالہ ایشاء کے ساتھ موٹر سائیکل پر جارہا تھا کہ نانووالی سٹاپ کے قریب مخالف سمت سے آنیوالی اینٹوں سے لدی ٹریکٹر ٹرالی بغیر نمبری نے ٹکر ماردی جس کے نتیجے میں موٹرسائیکل سے گرے ہوئے سمیع اور شعیب کے سر جبکہ ایشاء کی دونوں ٹانگوں سے ٹریکٹر کا ٹائر گزرنے سے دونوں بھائی موقع پر ہی دم توڑ گئے جبکہ ایشا شدید زخمی ہوگئی۔ اطلاع ملنے پر ریسکیو 1122 کا عملہ ایمبولینس کے ہمراہ جائے حادثہ پر پہنچ گئے اور زخمی ایشا کو طبی امداد دیتے ہوئے سول ہسپتال سیالکوٹ منتقل کر دیا جہاں کچھ دیر بعد وہ بھی زخموں کی تاب نہ لاتے ہوئے دم توڑ گئی جبکہ لواحقین نے جاں بحق ہونے والے بچوں کے پوسٹ مارٹم سے انکار کردیا۔