لاہور/ شیخوپرہ/ شرقپور (نیوز رپورٹر+ نامہ نگار+ نمائندہ نوائے وقت+ نمائندہ خصوصی) گورنر پنجاب چوہدری محمد سرور نے کہا ہے کہ نوازشریف کی پاکستان واپسی کیلئے عدالتی حکم کے مطابق تمام قانونی آپشنز استعمال کیے جائیں گے۔ اپوزیشن کے احتجاج سے خوفزہ نہیں۔ مولانا فضل الرحمن کے احتجاجی مارچ کا بھی حکومت سامنا کر چکی ہے اب بھی تیار ہیں۔ پنجاب آب پاک اتھارٹی کے ذریعے صوبے کے شہروں اور دیہاتوں میں عوام کو پینے کا صاف پانی فراہم کر یں گے۔ وہ منگل کے روز گورنر ہاؤس لاہور میں مختلف وفوداور شیخوپورہ ضلع کچہری میں الخیر اور سرور فاؤنڈیشن کے اشتراک سے لگائے جانیوالے فلٹریشن پلانٹ کے افتتاح کے بعد میڈیا سے گفتگو کر رہے تھے جبکہ اس موقع پر ایم پی اے میاں جلیل احمد شرقپوری اور چوہدری اشفاق احمد ورک سمیت دیگر بھی موجود تھے۔ چوہدری محمد سرور نے صحافیوں کے سوالوں کے جوابات دیتے ہوئے کہا  اور اگر اب بھی اپوزیشن احتجاج کرنا چاہتی ہے تووہ اپنا شوق ضرور پورا کر لیں۔  افواج پاکستان اور عدلیہ کو متنازعہ بنانے کی کوشش کرنے والے ملک وقوم کے خیر خواہ نہیں۔ سرور فاؤنڈیشن اور الخیر فاؤنڈیشن کا بھی شکریہ ادا کرتا ہوں جو عوام کو پینے کا صاف پانی فراہم کر رہی ہے۔ انہوں نے کہا کہ پنجاب آب پاک اتھارٹی میری نگرانی میں کام شروع کر چکی ہے۔ انشاء  اللہ ہم پنجاب کے کونے کونے میں پینے کا صاف پانی فراہم کریں  گے۔ سرور نے کہا ہے کہ حکومت کسی گھبراہٹ کی شکار ہیں نہ اے پی سی کا ایجنڈا ملکی مفاد میں ہے اے پی سی کا ایجنڈا صرف حکومت کو گرانا ہے۔ عوام نے عمران خان کو میڈینٹ دیکر پانچ سال کیلئے وزیراعظم منتخب کیا ہے۔ اس موقع پر ضلعی صدر پی ٹی آئی کنور عمران سعید ایڈووکیٹ منصور عزیز خان آغا ندیم انور زاہد ایڈووکیٹ و دیگر موجود تھے گورنر نے کہا کہ حکومت پانچ سال پورے کرے گی ۔ حکومت اپوزیشن کی گیدڑ بھبکیوں سے مرعوب نہیں ہوگی۔ اپوزیشن  کی اے پی سی کا ایجنڈا صرف اور صرف کرپٹ عناصر کو بچانا اور جمہوری عوامی حکومت کو گرانا ہے جس میں وہ صورت بھی کامیاب نہیں ہونگے۔ فلٹریشن پلانٹ کی افتتاحی تقریب میں میاں خالد محمود احمد جلیل احمد شرقپوری عمران سعید الحاج ملک محمد اسلم بلوچ چودھری ماجد منظور کاہلوں سابق ایم این اے چودھری محمد سعید ورک چودھری معراج خالد گجر حاجی غلام نبی ورک چودھری گلفام ریاض ورک چودھری فضل ورک چودھری ثناء اللہ جٹ چودھری بلال اعجاز چنبل شیخ دین ندیم حافظ مدثر مصطفیٰ  رانا تقاسر، احسان ورک  سمیت دیگر موجود تھے ۔ چودھری محمد سرور کی آمد پر مرکزی انجمن تاجران کے چیئرمین الحاج ملک محمد اسلم بلوچ اور ضلعی صدر پی ٹی آئی کنور عمران سعید ایڈووکیٹ و دیگر پی ٹی آئی عہدیداران اور تاجر رہنماؤں نے ان کا پرتپاک استقبال کیا ان پر منوں پھولوں کی پتیاں نچھاور کیں اور ہار پہنائے۔