اسلام آباد (سٹاف رپورٹر) چیئرمین جوائنٹ چیفس آف سٹاف کمیٹی جنرل ندیم رضا نے صدر  مملکت کی طرف سے سٹرٹیجک اداروں میں کام کرنے والے معروف سائنسدانوں اور انجنیئرز کو ان کی شاندار خدمات کے صلے میں اعزازات عطا کئے۔ آئی ایس پی آر کے مطابق  اس سلسلہ میں ایک پروقار تقریب جوائنٹ سٹاف ہیڈ کوارٹرز راولپنڈی میں منعقد ہوئی۔ اس موقع پر خطاب کرتے ہوئے  جنرل ندیم رضا نے  سائنسدانوں اور انجینئرز  سے کہا کہ آپ ہمارے گمنام ہیرو ہیں۔ آپ کا شکریہ ادا کرنا ہم پر واجب ہے۔ مجموعی طور تیئس ایوارڈ عطا کئے گئے۔ ایوارڈز حاصل کرنے والوں میں تین خواتین سائنسدان  بھی  شامل ہیں۔