سی این ایس ہاکی چیمپئن شپ: ایئرفورس‘ نیشنل بینک کی کامیابی 

لاہور (سپورٹس رپورٹر)کراچی میں جاری چیف آف نیول سٹاف ہاکی چیمپئن شپ میں ایئرفورس نے پورٹ قاسم جبکہ نیشنل بینک نے آرمی کی ٹیم کو شکست دیدی۔ پہلے میچ میں ایئرفورس نے پورٹ قاسم اتھارٹی کو 0-4 سے شکست دی‘ میچ میں رضوان علی نے ٹورنامنٹ کی پہلی ہیٹ ٹرک بنائی۔دوسرے میچ میں دفاعی چیمپئن نیشنل بینک نے آرمی کو 0-3 سے شکست دی۔فاتح ٹیم کی جانب سے محمد دلبر، ابوبکر محمود اور حنان شاہد نے ایک، ایک گول کیا۔ واپڈا اور ماڑی پٹرولیم کے درمیان میچ 2-2 گول سے برابر رہا۔واپڈا کے علیم بلال اور علیم عثمان جبکہ ماڑی پٹرولیم کیلئے وسیم اکرم اور علی انور نے گول کیے۔