لاہور(سپورٹس رپورٹر)کنسلٹنٹ کوچ پاکستان کرکٹ ٹیم ورنن فلینڈر اکتوبر کے پہلے ہفتے لاہور پہنچیں گے۔ذرائع کا بتانا ہے کہ ورنن فلینڈر نیشنل ٹی ٹونٹی کپ کے دوسرے مرحلے میں موجود ہوں گے، ورنن فلینڈر پاکستان ٹی ٹونٹی سکواڈ کے کھلاڑیوں کیساتھ کام کریں گے۔ میتھیو ہیڈن دبئی میں پاکستان ٹی ٹونٹی سکواڈ کو جوائن کریں گے ، وہ ان دنوں دبئی میں کمنٹری میں مصروف ہیں۔ذرائع کے مطابق میتھیو اپنی اسائنمنٹ مکمل کرنے کے بعد ٹی ٹونٹی ورلڈ کپ کے بائیو سیکور ببل میں آجائیں گے۔