لاہور(سپورٹس رپورٹر )انگلینڈ کی ٹیسٹ کرکٹ ٹیم کے نائب کپتان جوز بٹلر نے کہا ہے کہ اْنہیں پاکستانی شائقین اور پاکستانی کرکٹ ٹیم کیساتھ ہمدردی ہے جو مہمان ٹیم کو اپنے یہاں خوش آمدید کہنے کیلئے تیار تھے مگر دورہ منسوخ ہوگیا۔ انگلینڈ کی کرکٹ ٹیم کا دورہ منسوخ ہونے کے بعد اْنہیں پاکستانی شائقین اور کھلاڑیوں کے جذبات کا احساس ہے، وہ اْن سے اظہارِ ہمدردی کرتے ہیں۔ یہ درست وقت نہیں تھا اس لیے انگلینڈ اینڈ ویلز کرکٹ بورڈ نے پاکستان کا دورہ منسوخ کیا۔ اگلے سال انگلینڈ کا دورہ پاکستان شیڈول کے مطابق ہوگا۔ اور وہ بھی پہلی بار پاکستان کی سرزمین پر کھیلیں گے۔