کراچی ( نیوز رپورٹر)محکمہ موسمیات نے آئندہ 3 روز کراچی میں دھوپ چھائوں کے مابین آنکھ مچولی ہونے کی پیش گوئی کی ہے۔محکمہ موسمیات کے مطابق کراچی میں آئندہ 3 روز کے دوران مطلع جزوی ابر آلود رہنے کا امکان ہے۔محکمہ موسمیات نے سندھ بھر میں موسم گرم اور مرطوب رہنے کا امکان بھی ظاہر کیا ہے۔آئندہ 3 روزتک کراچی کا درجہ حرارت 32 سے 34 ڈگری سینٹی گریڈ تک رہنے کا امکان ہے۔شہرِ قائد میں اس دوران جنوب مغرب سے سمندری ہوائیں بھی چلتی رہیں گی۔