لاہور ( اسپورٹس رپورٹر) پاکستان سٹوڈنٹس اولمپک ایسو سی ایشن زیر اہتمام چھٹی سٹوڈنٹس اولمپک گیمز 26 ستمبر سے کراچی میں شروع ہوگی۔ 
گزشتہ روز پاکستان سٹوڈنٹس اولمپک ایسوسی ایشن کی آرگنائزنگ کمیٹی کا اجلاس ایسوسی ایشن کے صدر مقبول آرائیں کی صدارت میں منعقد ہوا۔ جس میں گیمز کے انتظامات کو آخری شکل دی گئی۔ گیمز میں 14 کھیلوں کے مختلف مقابلے منعقد ہونگے جن میں ایتھلیٹکس، آرچری، باسکٹ بال ، بیڈمیٹن ، تھرو بال ، ٹیبل ٹینس، تایکوانڈو ، کرکٹ ، روپ اسکیپینگ، جمناسٹک، نیٹ بال، والی بال ، فٹ سال اور،سکیٹنگ کے مقابلے مختلف مقامات پر کھیلے جائیں گے۔ سٹوڈنٹس اولمپک گیمز میں او اور اے لیول کے ساتھ ساتھ میٹرک اورانٹر میڈیٹ کے کھلاڑی حصہ لے رہے ہیں۔ گیمز کے اختتام پر کامیابی حاصل کرنے والے کھلاڑیوں میں ٹرافیاں، اسناد اور کیش ایوارڈ تقسیم کیا جائے گا۔