لاہور ( اسپورٹس رپورٹر) قومی کرکٹ ٹیم کے سابق کپتان اور فاسٹ باﺅلر وقار یونس نے نوجوان فاسٹ بولر نسیم شاہ کی تعریف کرتے ہوئے انہیں ماضی کے عظیم فاسٹ بولر سے تشبیہ دے دی۔سابق کپتان وسیم اکرم کے ہمراہ گفتگو کرتے ہوئے انہوں نے کہا کہ نسیم شاہ ملک کے بہترین فاسٹ بولرز میں سے ایک ہیں۔وقار نے نوجوان فاسٹ بولر نسیم شاہ کو ماضی کے عظیم آسٹریلوی بولر ڈینس لِلی سے تشبیہ دیتے ہوئے کہا کہ نسیم شاہ کا بولنگ ایکشن بہترین ہے اور ڈینس لِلی سے ملتا جلتا ہے، ان کا رن اپ بھی شاندار ہے، سب سے اچھی بات ان کی بولنگ کی رفتار ہے۔اس موقع پر وسیم اکرم نے بھی نسیم شاہ کے ایکشن کی تعریف کرتے ہوئے کہا کہ نسیم شاہ کی بولنگ میں مزید بہتری آرہی ہے اور حالیہ میچز میں اچھی بولنگ کے بعد ان کے اعتماد میں بھی اضافہ ہوا ہے۔