حیدرآباد(بیورو رپورٹ)حیدرآباد چیمبر آف اسمال ٹریڈرز اینڈ اسمال انڈسٹری کے سیکریٹری جنرل فرقان احمد لودھی کے اعلامیہ کے مطابق چیمبر کے انتخابات برائے سال 2022-23 کے عہدیداران صدر محمد فاروق شیخانی، سینئر نائب صدر محمد عارف میمن اور نائب صدر ڈاکٹر محمد اسماعیل فاروق غیر سرکاری طور پر بلامقابلہ منتخب ہوگئے ہیں۔ 20 ستمبر 2022 سے عہدیداروں کی نشستوں کے لئے نامزدگی فارم داخل کرنے کی22 ستمبر 2022 آخری دن تک تین اراکین نے فارم داخل کرائے ان کے مقابلے میں کسی اور اراکین نے فارم داخل نہ کرائے۔ 22 ستمبر 2022 کو داخل کردہ نامزدگی فارمز کی الیکشن کمیشن نے اسکروٹنی کی اور انہیں ہر لحاظ سے درست پایا۔ الیکشن کمیشن 2022-23 اراکین نعیم اسلم، محمد شریف پونجانی اور ڈاکٹر محمد یوسف پر مشتمل ہے جو سرکاری اعلان جنرل باڈی کے 29 ستمبر 2022 کو ہونے والے اجلاس میں کرینگے۔