ملتان (سپورٹس ڈیسک) ساﺅتھ ایشین گیمز 2024 میں منتقل ہونے کا امکان ہے جس کی میزبانی پاکستان کے پاس ہے۔ سیکر ٹری پاکستان اولمپک ایسوسی ایشن خالد محمود کا کہنا ہے کہ فیصلہ 3 اکتوبر کو ہو جائے گا۔ ستمبر 2023ءمیں ایشین گیمز کا انعقاد ہو رہا ہے، رکن ممالک ایک برس میں 2 گیمز کے حق میں نہیں ہیں۔ 

ان کا یہ بھی کہنا ہے کہ لگ ایسا رہا ہے کہ اب گیمز مارچ 2024ءمیں منعقد ہوں گے، رکن ممالک مل بیٹھ کر متفقہ فیصلہ کریں گے۔ واضح رہے کہ ساوتھ ایشین گیمز نومبر 2023ءمیں کرانے کا اعلان کیا گیا تھا۔