ترنڈہ محمد پناہ (خبرنگار ) تنخواہوں میں 15فیصد اضافہ چیئرمین ٹیوٹا کا احسن اقدام ہے،ٹیوٹا ملازمین کا مورال بلند ہواہے،مہنگائی کے اس دور میں سیلری میں اضافہ بڑا ریلیف ہے۔ان خیالات کا اظہار گورنمنٹ کالج آف ٹیکنالوجی محسن آباد ترنڈہ محمد پناہ کے پرنسپل انجینئر خالد رشید بھٹہ نے تقریب سے خطاب کرتے ہوئے کیا۔انہوں نے کہا کہ ٹیوٹا مامون جعفر تارڑ نے ٹیوٹا اساتذہ اور ملازمین کی تنخواہوں میں 15فیصد اضافہ اور پے سکیل 2022ریوائز کرکے دل جیت لئے ہیں۔مہنگائی کے اس دور میں ملازمین کے لئے بڑا ریلیف ہے۔تنخواہوں میں اضافے کی خوشی میں گزشتہ روز کالج سٹاف نے تقریب منعقد کی اور ٹیوٹا چیئرمین وانتظامیہ کا شکریہ ادا کیا۔تقریب میں انجینئر کامران عزیز خان،انجینئر عمران حیدر،انجینئر سہیل اختر،رانا اشتیاق احمد ،انجینئر مزمل سعید،محمد یعقوب انسٹرکٹر،حافظ احمد حسین ودیگر موجود تھے۔