نواز شریف پہلے سے زیادہ مضبوط ہو کر آرہے ہیں:مدثر قیوم ناہرا

نوشہرہ ورکاں (نمائندہ نوائے وقت) قائد میاں محمد نواز شریف پہلے سے زیادہ مضبوط ہو کر آرہے ہیں،پاکستان کی ترقی اور عوام کی خوشحالی کی راہ میں حائل کوئی رکاوٹ برداشت کی جائے گی، ان خیالات کا اظہار مسلم لیگی رہنماءحاجی مدثر قیوم ناہرا نے میاں محمد نواز شریف کے استقبال کے سلسلے میں اجلاس سے خطاب کرتے ہوئے کیا ،ان کا کہنا تھا کہ قرضوں کی خاطر ملک کو آئی ایم ایف کے حوالے کیاگیا، چند افراد کی بددیانتی اور نااہلی کے سبب ملکی معیشت تباہ ہوئی، جس کا خمیازہ آج پاکستانی عوام بھگت رہے ہیں، اس چور ٹولے نے چور چور کا شور مچا کر ملک لوٹا،اب سازشی ٹولہ اپنے انجام کو پہنچ چکا ہے۔