پتوکی (نامہ نگار) پتوکی شہر و گرد ونواح کی فیکٹریوں ،ہوٹلوں اور دوکانوں میں چائلڈ لیبر ایکٹ کی کھلم کھلا خلاف ورزی جاری ہے۔ تفصیلات کے مطابق چھوٹی بڑی فیکٹریاں ، جوتے بنانے والے کارخانے، بھٹوں ، ہوٹلوں اور دکانوں میں کم عمر بچے کم اجرت میں کام کرتے نظر آ تے ہیں ۔ان جگہوں میں نہ تو ان بچوں کو صحت کی سہولیات میسر ہیں اور نہ ہی انہیں کام کرنے کےلئے صاف ستھرا ماحول دستےاب ہے ۔ شہری تنظیموں نے وزیر اعلیٰ پنجاب اور چیف سیکرٹری سے کارروائی کرنے کا مطالبہ کیاہے۔