لاہور(سپورٹس ڈیسک )پرتگال سے تعلق رکھنے والے عالمی شہرت یافتہ فٹبالر کرسٹیانو رونالڈو عرب ثقافت کے رنگ میں رنگ گئے النصر فٹبال کلب نے ویڈیو جاری کر دی۔کرسٹیانو رونالڈو جو سعودی فٹبال کلب النصر کے حصہ ہیں اور مملکت میں کئی ماہ سے مقیم ہے۔ سعودی عرب کے قومی دن کے حوالے سے عالمی شہرت یافتہ فٹبالر نے خود کو بھی سعودی ثقافت میں رنگ وروپ میں ڈھال لیا۔سعودی عرب کے قومی دن کے حوالے سے النصر فٹبال کلب نے اپنے ٹوئٹر آفیشل پیج پر خصوصی ویڈیو شیئر کی ہے جس میں کرسٹیانو رونالڈو روایتی لباس زیب تن کیے اور ہاتھ میں تلوار اٹھائے رقص کرتے نظر آرہے ہیں۔ دیگر غیر ملکی فٹبالر سادیومانے، مارسیلو بھی اس جشن میں عرب لباس پہنے شریک دکھائی دے رہے ہیں۔ویڈیو کا آغاز سعودی عرب کے قومی دن کے حوالے سے خوشیاں مناتے اور موج مستیاں کرتے بچوں کے منظر نامے سے شروع ہوتا ہے ان میں سے تین بچوں کی اچانک النصر کلب کی بلڈنگ پر نظر پڑتی ہے وہ عمارت کے اندر جاتے ہیں۔واضح رہے کہ سعودی عرب کا قومی دن آج جوش وخروش سے منایا جائےگا۔