سانگلہ ہل (نمائندہ نوائے وقت ) پاکستان مسلم لیگ (ن) یوتھ ونگ کے ضلعی صدر حاجی عرفان الحسن بھٹی کہتے ہیں (ن) لیگ کی حکومت پچھلے چار ،پانچ سال کی خرابیاں دور کررہی ہے، سب کچھ ٹھیک نہیں ہوچکا اور تیزی سے بہتری آرہی ہے ، پا کستا نیوں کو جلد مہنگائی کے طوفان سے چھٹکارا نصیب ہوگا۔ فیک سوشل میڈیا کی مقبول ترین جماعت پی ٹی آئی کی مقبو لیت کی قلعی کھل کر سامنے آگئی،خالی کرسیاں اورچندکارکنوں کی آمدنے تحریک انصاف کے سیاسی تابوت میں آخری کیل ٹھونک دیا۔ تحریک انصاف والوں کا تہذیب اور اخلاق کے دائرہ کار میں کوئی وجود نہیں ہے، بدزبانی، الزامات اور انتشار کی سیاست ہی پی ٹی آئی کا وطیرہ ہے،پنجاب کی عوام بزداری ٹولے کو مسلط کرنے والوں کی حقیقت جان چکی ہے،پنجاب میں نااہل آدمی سے ہونیوالے نقصانات ابھی تک بھگت رہے ہیں۔ وزیر اعلی مریم نواز کی قیادت میں عوام کو 6 ماہ میں ملنے والا ریلیف تاریخی ہے، روٹی اور آٹے کی قیمت کا موازنہ انکی حقیقت بیان کرنے کیلئے کافی ہے۔