گوجرانوالہ(نمائندہ خصوصی ) ون یونٹی گروپ کے قائدین اخلاق احمد بٹ، ملک ظہیرالحق،راناشہزاد حفیظ، خواجہ ضرار کلیم،سعید احمد تاج ، عمر اشرف مغل، شعیب  بٹ، عرفان سہیل بٹ صدر چیمبرشیخ فیصل ایوب ،عرفان یعقوب چاند بٹ،نائب صدر جمشید ایوب بٹ اور دیگر نے کہا ہے کہ ون یونٹی گروپ الیکشن کے میدان میں مضبوطی سے کھڑا ہے۔ہم اظہر اسلم کی (سی) کلاس سے کامیابی کے بعد (اے) کلاس میں کلین سویپ کر کے چیمبر میں صدر اظہر اسلم کو ہی لے کر آئیں گے۔ کاروباری برادری ایسوسی ایٹ کلاس کے الیکشن میں پوری دلجمی مضبوطی اور لگن کے ساتھ حصہ لیں اور ون یونٹی گروپ کے تمام پینل کو ایک مثالی کامیابی سے ہمکنار کرائیں۔ ان خیالات کا اظہار نے اپنے ایک بیان میں کیا ۔ون یونٹی قائدین نے مزید کہا کہ( سی) کلاس کے الیکشن کے نتائج سے مایوس ہونے کی قطعی ضرورت نہیں ہے۔ اظہر اسلم کی کامیابی  انتہائی خوش آئند ہے۔جس کی بنیاد پر ہم( اے) کلاس کے الیکشن میں کلین سویپ کر کے اظہر اسلم کو ہی اپنا صدر چیمبر آف کامرس منتخب کریں گے انہوں نے کہا کہ کاروباری برادری آج اے کلاس کے الیکشن میں ون یونٹی گروپ کے پورے پینل کو کامیاب کرا کے چیمبرمیں اکثریت دلائے تاکہ اظہر اسلم صدر منتخب ہو سکیں۔