محمد عامر نے ٹی ٹونٹی  میں 350 وکٹیں مکمل کرلیں

لاہور(سپورٹس رپورٹر)پاکستان کے فاسٹ بائولر محمد عامر کی ٹی ٹونٹی میں 350 وکٹیں مکمل ہو گئیں۔محمد عامر 350 ٹی ٹونٹی وکٹ لینے والے تیسرے پاکستانی بائولر ہیں، قومی فاسٹ بائولر نے آج کیریبئن پریمیئر لیگ کے دوران یہ سنگ میل عبور کیا۔انہوں نے انٹیگا اینڈ باربادوا کی جانب سے گیانا کیخلاف 2 وکٹیں لیکر اپنی 350 وکٹیں مکمل کیں۔اس سے قبل پاکستان کے وہاب ریاض نے 413 اور سہیل تنویر نے 389 ٹی ٹونٹی وکٹیں حاصل کر رکھی ہیں۔