بہاولپور ڈویژنل ٹینس چیمپئن شپ 25 ستمبر سے شروع ہوگی 

لاہور(سپورٹس رپورٹر)بہاولپور ڈویژنل (انٹر کلبز) لان ٹینس چیمپئن شپ 25 سے 28 ستمبر تک بہاول جمخانہ بہاولپور میں ہوگی۔ٹینس بہاولپور ڈویژن کے صدر زوہیب رضا نے اعلان کیا کہ یہ ایونٹ پنجاب لان ٹینس ایسوسی ایشن کے صدر کیپٹن (ر) فضیل اصغر کے وژن کے تحت منعقد کیا جا رہا ہے۔ پنجاب بھر میں ٹینس کو فروغ دینے کیلئے پرعزم ہیں اور ایسے ایونٹس کے انعقاد کیلئے متحرک قوت رہے ہیں۔ مقامی انتظامیہ خصوصی طور پر کمشنر بہاولپور نادر چٹھہ، صدر بہاول جمخانہ اور ڈپٹی کمشنر بہاولپور ظہیر انور جپہ، سیکرٹری اویس اے نظامی، کنوینر سپورٹس کمیٹی سردار عامر بلوچ اور ڈویژنل سپورٹس آفیسر عامر حمید کا تعاون پر شکریہ ادا کیا۔