کندھ کوٹ( رپورٹ گوکل داس) کندھکوٹ کے قریب گولا اور کھوسہ قبائل کے دو فریقین کے درمیان سیاہ کاری کے تنازعہ میں ایک دوسرے پر فائرنگ 3افراد جاں بحق،4 زخمی ہو گئے ۔کندھکوٹ حیدری چوک کے مقام پر گولا اور کھوسہ قبائل درمیان سیاہ کاری کے تکرار پر دوطرفہ شدیدفائرنگ ہوئی ،گولیاں لگنے سے کھوسہ برادری کے دو افراد ظھور کھوسو اور محمد نواز کھوسو جاں بحق جبکہ 3افراد زخمی ہوئے جبکہ گولا برادری کا راحب گولو قتل اور مصری گولو زخمی ہوا ۔ فریقین کے گھر آمنے سامنے ہونے کی وجہ سے مزید خونریزی کا خدشہ ہے۔ پولیس کشیدگی روکنے میں ناکام رہی۔ کھوسہ برادری کے قتل ہونے والے شخص کی لاش اور تین زخمی سول ہسپتال لایا گیا۔ابتدائی امداد کیلئے زخمیوں کوسکھر منتقل کیا گیا ‘ لاش ورثاء  کے سپرد کردی گئی۔فریقین اپنے اپنے گھروں میں مورچہ زون ہیں۔آخری اطلاع تک پولیس واقعہ کا مقدمہ درج نہ کر سکی۔