کرم (نوائے وقت رپورٹ) ضلع کرم کے مختلف علاقوں میں قبائل کے درمیان مسلح تصادم کے نتیجے میں 5 افراد جاں بحق ہوگئے جبکہ متعدد زخمی ہیں۔ پولیس کا کہنا ہے فائرنگ کا تبادلہ گاؤں بوشہرہ، احمد زئی اور خارکلے، بالش خیل کے درمیان ہوا۔ متعدد افراد زخمی ہیں جنہیں ہسپتال منتقل کیا گیا ہے۔ پولیس کا کہنا ہے کہ قبائل کے درمیان فائرنگ کا تبادلہ  رات گئے تک جاری رہا اور پولیس انتظامیہ کے ساتھ  مل کر حالات کو قابو کرنے کی کوشش کرتی رہی۔