جوبائیڈن اور مودی ملاقات کے دوران سکھوں کا احتجاجی مظاہرہ 

واشنگٹن(این این آئی )بھارتی وزیراعظم نریندر مودی جو کواڈ سمٹ میں شرکٹ کے لیے امریکہ پہنچے تو امریکی صدر بائیڈن سے ملاقات کے دوران سکھوں نے مظاہرہ کیا،میڈیارپورٹس کے مطابق امریکہ میں سکھ رہنما کے قتل کی بھارتی سازش کے نقاب ہونے کے بعد امریکی صدر جو بائیڈن او بھارتی وزیراعظم نریندر مودی کی پہلی ملاقات ہوئی ہے۔بھارتی وزیراعظم نریندر مودی جو کواڈ سمٹ میں شرکت کے لیے ڈیلاویئر پہنچے ہیں۔ ان کی امریکی صدر جو بائیڈن سے ان کی رہائشگاہ گرین وین میں ملاقات ہوئی جو امریکہ میں سکھ رہنما کے قتل کی بھارتی سازش بے نقاب ہونے کے بعد پہلی ملاقات ہے۔اس موقع پر ڈیلاویئر میں جو بائیڈن کی رہائشگاہ کے باہر سکھوں نے احتجاجی مظاہرہ کیا اور انہوں نے امریکی صدر سے بھارتی وزیراعظم مودی کے احتساب کا مطالبہ کیا۔بائیڈن مودی ملاقات کے دوران سکھ مظاہرین نے خالصتان کے قیام کے لیے نعرے بھی لگائے۔