گاؤں پٹھویرہ کے زیر اہتمام عظیم الشان محفل میلاد مصطفی،علما ء کی شرکت  

 مری(بیورو رپورٹ)گاؤں پٹھویرہ کے زیر اہتمام عظیم الشان محفل میلاد مصطفی بمقام جامعہ مسجد الشادیہ باڑیاں پٹھویرہ میں منعقد ہوئی جس ملک کے علماء مشائخ عظام اور تنظیمات اہلسنت سیاسی و سما جی شخصیات اور عوام علاقہ نے کثیر تعداد میں شرکت کی مفتی عبد اللہ مظہر وارثی نے خوبصورت خطاب فرما کر کانفرنس کو چار چاند لگائے،آستانہ عالیہ سوہاوہ شر یف پیرسید شجاع احمد شاہ گردیزی  نے خصوصی شر کت کی جبکہ علماے کرام ثنا خوان مصطفی ؐسمیت عا شقان مصطفی نے بھی کثیرتعدادمیں شرکت کی، تقر یب کا آغاز محمدعمرقریشی ننے تلاوت کلام پا ک سے کیا گیا جبکہ خطہ کوہسار کے معروف ثنا خوان گولڈ میڈ لسٹ راجہ قائر الحسن دھنیال، منیب شفقت ستی اور سفیر ستی  و دیگر نے نعت رسول مقبولؐپیش کیں، نقابت  کے فرائض حکیم اخلاق الخیری نے سر انجام د ئیے، میلاد میں علامہ ہمرا زستی ضیائی ،سینئر صحافی ساد جد دھنیال،عمران ستی، ابرا ہیم ستی،وقاص ستی،سیا سی، سماجی،کاروباری شخصیات، صحافیوں اور اہلیان علاقہ نے کثیرتعدادمیں شرکت کی،اختتام پرلنگر بھی تقسیم کیا گیا،خطیب مسجد نثار احمد مصطفی علامہ ہمراز ستی ضیائی اور نجیب ستی زعفران ستی، وقاص ستی اور فخر اقبال ستی نے شرکا کا شکریہ ادا کیا۔