اسلام آباد( نوائے وقت رپو رٹ ) پیپلز پارٹی کے سینئر رہنما سید اظہر زمان ہمدانی نے چیئرمین پیپلز  پارٹی بلاول بھٹو کی 36ویں سالگرہ کے موقع پر ان کیلئے درازی عمر کی دعا کی۔ ان کا کہنا تھا کہ بھٹو خاندان نے مضبوط وفاق، ناقابل تسخیر دفاع، مقبوضہ کشمیر کی آزادی، آئین قانون کے تحفظ اور جمہوریت کی بحالی کیلئے چار نسلوں کو قربان دے کر تاریخ رقم کر رکھی ہے۔ عوام ہر سطح پر پاکستان میں 1973 کے متفقہ آئین اور ایٹمی پروگرام کے خالق قائد عوام شہید ذوالفقار علی بھٹو، دختر مشرق محترمہ بینظیر بھٹو ۔چیئرمین بلاول بھٹو زرداری، صدر پاکستان آصف علی زرداری،آزاد کشمیر کے سیاسی امور کی نگران محترمہ فریال تالپور کی قیادت میں م متحد ہیں۔  سید اظہر زمان ہمدانی نے کہا وفاقی حکومت شہید بھٹو کو  قومی ہیرو قرار دینے کیلئے اقدام کرے۔