بلاول بھٹو کی سالگرہ ، دیرینہ جیالے طاہر محمودکے زیر اہتمام سالگرہ کا کیک کاٹا گیا

فتح جنگ (نامہ نگار)چیئرمین بلاول بھٹو کی سالگرہ فتح جنگ میں پیپلزپارٹی کے دیرینہ کارکن جیالے طاہر محمود طاہر ہوٹل کے زیر اہتمام سالگرہ کا کیک کاٹا گیا اس موقع پر پیپلزپارٹی کے کارکن بھی موجود تھے سالگرہ کی تقریب سے خطاب کرتے ہوئے طاہر ی جیالے نے کہا کہ پیپلزپارٹی اپنے اصولی موقف کے مطابق جمہوریت کی بقا آئین کی بالادستی قانون کی حکمران اور غریب عوام کو ریلیف فراہم کیلئے بھر پور جدوجہد کر رہی ہے انھوں نے کہا کہ پیپلزپارٹی واحد سیاسی جماعت ہے جو کارکنوں کو عزت و احترام دیتی ہے اور وفادار کارکنوں کو ہمیشہ یاد رکھا جاتا ہے انھوں نے کہا کہ گورنر پنجاب سردار سلیم حیدر خان پارٹی کی بھر پور نمائندگی کر کے اپنا حق ادا کر رہے ہیں وہ ایک سچے کھرے سیاستدان اور پارٹی کے انتہائی وفادار راہنما ہیں یہی وجہ ہے کہ قیادت ان پر بھر پور اعتمادکرتی ہے طاہری جیالے نے کہا کہ چیئرمین بلاول بھٹو کی قیادت میں پیپلزپارٹی پاکستان کی سیاست میں نمایاں رول ادا کر رہی ہے ان شا اللہ چیئرمین بلاول بھٹو اس ملک کے وزیر اعظم منتخب ہو کر پاکستان کو ایک حقیقی جمہوری ریاست بنانے اور غریب عوام کے حقوق کیلئے اپنا بھر پو ر کردار ادا کرینگے ۔