قبضہ مافیا نے سینکڑوں برس قدیمی قبرستان پر ہیوی مشینری کی مدد سے قبریں مسمار کردیں

  کلرسیداں(نامہ نگار)قبضہ مافیا نے سینکڑوں برس قدیمی قبرستان پر ہیوی مشینری کی مدد سے قبریں مسمار کردیں جا بجا انسانی ہڈیاں بکھری پڑی ہیں انتظامیہ ستو پی پر سوئی ہوئی ہے،ڈہوک قاضیاں تخت پڑی کے سجادہ نشین قاضی محمد عمران نے تھانہ روات کو درخواست دی کہ عثمان نے دیگر 8/10 افراد کے ہمراہ ہیوی مشینری لگا کر ہمارے قدیمی قبرستان پر قبضہ کے لیئے تمام قبروں کو مسمار کر کے انتہائی ذیادتی کی ہے ہمارے منع کرنے پر اتشیں اسلحہ سے مسلح ملزمان نے جان سے مارنے کی دھمکیا ں دیں ان لوگوں کے خلاف کاروائی کی جائے روات پولیس نے ملزمان کے خلاف مقدمہ درج کر کے تفتیش شروع کر دی۔