ملک کو مسائل سے نکالنے کیلئے اساتذہ کو کردا ر ادا کرناہوگا، ملک منصور افسر

راولپنڈی( سٹاف رپورٹر )پیر مہر علی شاہ بارانی زرعی یونیورسٹی کے شعبہ سوشل سائنسز اورسماجی تنظیم" دی ایجو ریسورس پاکستان" کے زیر اہتمام اساتذہ کیلئے خصوصی تربیتی ورکشاپ منعقدکی گئی جس میں ایم پی اے ملک منصور افسرنے بطور مہمان خصوصی جبکہ ایم پی اے رفعت عباسی نے بطورمہمان اعزاز شرکت کی ،اساتذہ کی اس خصوصی تربیتی ورکشاپ میں ڈین سوشل سائنسز ڈاکٹر عبد الصبور، معروف ٹرینر و ماہر تعلیم محمود اعجاز بٹ ، شعبہ اردو ادب کے ماہر ڈاکٹر اطہر قسیم نے لیکچر دیئے اور بتایاکہ ایک استاد کی کیاذمہ داری ہوتی ہے ، بچوں کی ذہنی صلاحیتوں کو ابھارنے اور نکھارنے کے لیے کیا طریقہ کار اختیار کیاجاتاہے ، ورکشاپ کے اختتامی مرحلے پر مہمان خصوصی ایم پی اے ملک منصور افسر نے یونیورسٹی کے سوشل سائنسز ڈیپارٹمنٹ کے ڈین ڈاکٹر عبدالصبور ، دی ایجورس پاکستان کے سی ای او پروفیسر محمود اعجاز بٹ کی کاوشوں کو سراہا مہمان اعزاز ممبر پنجاب اسمبلی رفعت عباسی کاکہناتھاکہ شعبہ تعلیم کی ترقی اور اساتذہ کی ہر لحاظ سے بہتری حکومت پنجاب بالخصوص وزیر اعلی پنجاب مریم نواز کا مشن ہے ۔