ڈھوک نجو میںفائرنگ ، ایک مبینہ ڈاکو ہلاک،دوفائرنگ کرتے ہوئے فرار

 راولپنڈی(اپنے سٹاف رپورٹر سے )تھانہ پیرودھائی کے علاقہ ڈھوک نجو میں رات گئے موٹر سائیکل سوار تین ڈاکوئوں اور پولیس پارٹی کے درمیان آمنا سامنا ہونے پر فائرنگ کے دوران ایک مبینہ ڈاکو ہلاک اوردو فائرنگ کرتے ہوئے فرارہوگئے پولیس نے بتایا کہ پیرودھائی کے علاقہ ڈھوک نجو پل پر پولیس ٹیم موجود تھی اسی دوران موٹر سائیکل کو رکنے کا اشارہ کیا تو ملزمان نے فائرنگ شروع کر دی فائرنگ کے دوران ایک ڈاکو ہلاک، دو ڈاکو فائرنگ کرتے ہوئے فرار ہو گئے ہلاک مبینہ ڈاکو سے پستول اور موٹر سائیکل برآمد ہوا،ڈاکوئوں سے برآمد موٹر سائیکل اسی ماہ نیوٹائون کے علاقہ میں شہری سے گن پوائنٹ پر چھینا گیا تھا ملزمان کی فائرنگ سے گولی کانسٹیبل اکرم خان کو بھی لگی جو بلٹ پروف جیکٹ کی وجہ سے محفوظ رہے واقعہ کی اطلاع پر سینئر پولیس افسران موقع پر پہنچ گئے، فرار ڈاکوں کی گرفتاری کے لئے سرچنگ کی جا رہی ہے، ہلاک ڈاکو کی نعش کو ہسپتال منتقل کردیا گیا پولیس ترجمان نے کہا کہ سی پی او سید خالد ہمدانی نے ایس پی راول، ایس ڈی پی او سٹی اور پیرودھائی پولیس کو شاباش دیتے ہوئے کہا کہ شہریوں اور پولیس پر حملہ کرنے والے قانون کی گرفت سے نہیں بچ سکتے۔