راولپنڈی چیمبر آف سمال ٹریڈرزکا الیکشن ، ثاقب نسیم صدر ،دوست علی سینئر نائب صدر منتخب

 راولپنڈی(سٹاف رپورٹر)راولپنڈی چیمبر آف سمال ٹریڈرز اینڈ سمال انڈسٹریز کے الیکشن 2024-26 میں ثاقب نسیم صدر ،دوست علی جان سینئر نائب صدر،آصف جاوید نائب صدر منتخب ہو گئے ۔ گروپ لیڈر ملک شاہد غفور پراچہ، چیئرمین ندیم شیخ اور سابق صدر طارق خان جدون نے نومنتخب صدر اور ایگزیکٹو باڈی کے ممبران کو مبارکباد پیش کرتے ہوئے کہا کہ نو منتخب ٹیم چیمبر کے ممبران کے اعتماد پر پورا اترے گی  اور  ممبران کے مسائل کے حل کیلئے دن رات کوشاں رہے گی۔ اس موقع پر راولپنڈی چیمبر آف سمال ٹریڈرز اینڈ سمال انڈسٹریز کے نو منتخب صدر ثاقب نسیم نے تمام قیادت اور تاجر برادری کا شکریہ ادا کرتے ہوئے کہا کہ جو اعتماد مجھ پر ممبران نے کیا ہے اس پر تمام ممبران کا مشکور ہوں ,  اور موجودہ کاروباری مشکلات اور ان کے مسائل  کو حل کرنا میری اولین ترجیحی ہو گی تمام ممبران کو ساتھ لیکر چلیں گے ان کے مسائل کو حل کرانے کیلئے اراکین ایگزیکٹو باڈی دن رات کو شاں رہیں گے۔