بلاول بھٹو ملک کو ترقی کی راہ پر گامزن کرنے کی صلاحیت رکھتے ہیں،شہلا رضا 

 راولپنڈی(جنرل رپورٹر)سابق سپیکر سندھ اسمبلی شہلا رضا نے کہا ہے کہ بلاول بھٹو بے نظیر بھٹو کی حقیقی تصویر ہیں موجودہ غیریقینی حالات میں بلاول بھٹو زرداری قوم کی امیدوں کامرکز اور حقیقی معنوں میں وطن عزیز کی کشتی کو ساحل پر پہنچانے کی اہلیت رکھنے والے لیڈر ہیں ۔ قوم کی تقدیر ایک روز ضرور بدلے گا پاکستان پیپلز پارٹی کی قیادت عوامی مشکلات کو حل کرنے کیلئے کو شاں ہے آنے والاوقت پاکستان پیپلز پارٹی اور بلاول بھٹو زرداری کاہے۔ ان خیالات کا اظہار انہوںنے شریف ہائو س مصریال راولپنڈی میں سابق امیدوار صوبائی اسمبلی ملک انعام کے زیر اہتمام بلاول بھٹو زرداری کی36 ویں سالگرہ کا کیک کاٹنے کی تقریب سے خطاب کرتے ہوئے کیا۔ اس موقع پر نمبردار ملک عثمان ایڈووکیٹ، راجہ نثار جنجوعہ ،عجاز خان صافی ،نمبردار ملک محب اللہ۔صدام اعظم بٹ،عدیل اعظم بٹ اور پیپلز پارٹی کے کارکنوں کی بڑی تعداد  نے شرکت کی اور کیک کاٹا گیا ۔اس موقع پر سابق امیدوار صوبائی اسمبلی ملک انعام نے سابق سپیکر سندھ اسمبلی سیدہ شہلا رضا کا شکریہ ادا کرتے ہوئے کہا کہ پارٹی قیادت نے ہمیشہ کارکنوں کو اہمیت دی وہ دن دور نہیں جب پاکستان کے وزیر اعظم بلاول بھٹو زرداری ہوں گے پاکستان پیپلز پارٹی کے کارکن چیئرمین بلاول بھٹو زرداری کی قیادت میں متحد ہیں۔