سعودی یوم الوطنی کے رنگ, کراچی پریس کلب چوک کوسجا دیا گیا

سعودی عرب کے قومی دن کے موقع پر کراچی پریس کلب چوک کو دلہن کی طرح برقمی قمقموں سے سجا دیا گیا۔تفصیلات کے مطابق گورنر سندھ کامران خان ٹیسوری کی ہدایت پر پریس کلب چوک کو برقی قمقموں سے سجایا گیا ہے۔سعودی عرب کےقومی دن کی خوشی میں پاک سعودی عرب پرچم بھی لہرادیےگئے. برقی قمقموں نے پریس کلب چوک کو دلکش بنا دیا۔گورنرسندھ نے سعودی عرب کے قومی دن پر سعودی عوام کو مبارکباد دی اور سعودی شاہی خاندان اورعوام کیلئے نیک خواہشات کا اظہار کیا۔گورنر سندھ کا کہنا تھا کہ سعودی عرب سے امت مسلمہ کا مذہبی اور روحانی تعلق ہے. پاک سعودی عرب دوطرفہ تعلقات احترام کی بنیاد پر مستحکم ہیں۔ گورنر سندھ کامران خان ٹیسوری کا مزید کہنا تھا کہ سعودی عرب نے مشکل وقت میں ہمیشہ پاکستان کا ساتھ دیا. پاکستانی قوم سعودی عرب کے کردار کو قدر کی نگاہ سے دیکھتی ہے۔