جانور کس طرح انسانوں کی زندگیوں کو محفوظ بناسکتے ہیں اس کا عملی نمونہ بندروں نے ایک معصوم بچی کو عصمت دری سے بچاکر دکھا دیا۔
بھارتی ریاست اترپردیش کے علاقے باغ پت میں بندروں نے ایک 6 سالہ بچی کو مبینہ طور پر ریپ کا نشانہ بننے سے بچالیا۔
بھارتی میڈیا کی رپورٹ کے مطابق باغ پت میں ایک شخص 6 سالہ بچی کو بہلا پسھلا کر ویران جگہ پر لے گیا جہاں اسکے ساتھ جنسی زیادتی کی کوشش کی
بچی نے واقعہ اپنے گھر والوں کو سنایا اور بتایا کہ بندروں نے اسے درندہ صفت انسان کے چنگل سے بچایا۔
بچی کے والد نے پولیس کو بتایا کہ انکی بیٹی گھر کے باہر کھیل رہی تھی جہاں سے نامعلوم شخص اسے اپنے ساتھ کہیں لے گیا۔ بچی کو برہنہ کیا تو عین اسی موقع پر بندروں نے ملزم پر حملہ کردیا جس کی وجہ سے وہ بچی کو چھوڑ کر وہاں سے بھاگ گیا۔
انہوں نے بتایا کہ علاقے میں لگی سی سی ٹی وی کیمروں میں محفوظ فوٹیج میں ایک شخص کو میری بیٹی کے ساتھ دیکھا گیا، تاہم اس شخص کی ابھی تک شناخت نہیں ہوسکی۔
