جنوبی افریقہ میں کھیلے جانے والے فٹ بال کے عالمی مقابلوں کیلئے آفیشل انگوٹھی کا آئیڈیا امریکی ریاست کولمبیا سے تعلق رکھنے والے ایک تاجر نے پیش کیا جسے فیفا کے اعلٰی حکام نے بے حد پسند کیا۔ ریکارڈو سوٹیلو نامی کولمبین تاجر کے مطابق ورلڈ کپ دوہزاردس کیلئے سونے ،چاندی اور پلاٹینم کی انگوٹھیاں تیارکی جائیں گی ۔اس ضمن میں پہلی انگوٹھی فیفا کے صدر کیلئے جب کہ دوسری اقوام متحدہ کے ادارے یونیسیف کیلئے جس کی قیمت فلاحی کاموں پر صرف ہوگی اور تیسری ورلڈ کپ کے بہترین کھلاڑی کیلئے تیار کی جائے گی۔ یہ تینوں انگوٹھیاں پلاٹینم سے تیارکی جائیں گی جن پرہیرے بھی جڑے ہوں گے۔ فیفا ورلڈ کپ کیلئے تیارکی جانے والی انگوٹھی پر ورلڈ کپ ٹرافی اورایک چھوٹا سا فٹ بال کندہ ہوگا۔