ہاکی کلب آف پاکستان میں جاری کیمپ کے پہلے روز تیس کھلاڑیوں نے شرکت کی۔ پاکستان ہاکی فیڈریشن کے چیف سلیکٹر حنیف خان نے میڈیا سے بات کرتے ہوئے کہا کہ کھلاڑیوں کے پاس ایک ہفتے کا وقت ہے، جس کے دوران امید ہے کہ قومی ٹیم کے کوچ خواجہ جنید کھلاڑیوں کو اذلان شاہ ٹورنامنٹ کے لئے تیار کرنے میں کامیاب ہو جائیں گے۔ واضح رہے کہ قومی ہاکی ٹیم کے کپتان ذیشان اشرف، وسیم احمد اور اختر علی نے آرام کی غرض سے کیمپ میں شرکت سے معذرت کر لی تھی۔