لندن کے ایمریٹس سٹیڈیم میں کھیلے جانے والے میچ میں دونوں ٹیموں کے درمیان دلچسپ مقابلے کی توقع ہے۔ آرسنل کی ٹیم آج کے میچ میں کامیابی کی صورت میں یوئیفا چیمپئنز لیگ کے فائنل مرحلے میں اپنی جگہ پکی کر سکتی ہے۔ آرسنل کی ٹیم میں مڈفیلڈر \\\"ایلیکس سونگ\\\" اور سٹار سٹرائیکر \\\"ایڈوارڈو\\\" فٹ ہو کر ٹیم میں واپس آ چکے ہیں۔ دوسری جانب پوائنٹس ٹیبل کی پانچویں پوزیشن پر موجود مانچسٹر سٹی کو ٹاپ فور مرحلے میں جگہ بنانے کے لیے آج کے میچ میں کامیابی کی سخت ضرورت ہے۔ مانچسٹر سٹی کی ٹیم اپنے سٹار کھلاڑی ایمانوئیل ایڈابائیور، پیٹرک وییرا اور کالو ٹورے پر انحصار کرے گی۔ انگلش پریمئیر لیگ میں آج کھیلے جانے والے دوسرے اہم میچ میں دفاعی چیمپئن مانچسٹر یونائیٹڈ کی ٹیم ٹوٹن ہیم کے مدمقابل ہو گی