پاکستان اور جنوبی افریقہ کے درمیان سیریز کا اعلان‘ شیڈول جاری

لاہور(سپورٹس ڈیسک)جنوبی افریقہ کے کرکٹ بورڈ نے اپنی ہوم سیزن 19-2018 کا اعلان کردیا جس کے مطابق پاکستان کرکٹ ٹیم جنوبی افریقہ کے خلاف 3 ٹیسٹ، 5 ون ڈے اور 3 ٹی ٹوئنٹی پر مشتمل سیریز کھیلے گی۔کرکٹ ساو¿تھ افریقہ کی ویب سائٹ کے مطابق پاکستان اور جنوبی افریقہ کے درمیان سب سے پہلے ٹیسٹ، بعد ازاں ون ڈے اور پھر ٹی ٹوئنٹی سیریز کھیلی جائے گی۔جنوبی افریقہ اور مہمان ٹیم کے درمیان پہلا ٹیسٹ میچ باکسنگ ڈے (26 دسمبر) سے سپر اسپورٹس پارک سنچورین میں کھیلا جائے گا۔سیریز کا دوسرا ٹیسٹ میچ 3 جنوری 2019 سے نیولینڈ پارک کیپ ٹاو¿ن میں جبکہ تیسرا ٹیسٹ میچ 11 جنوری سے جوہانسبرگ کے وانڈررز میں کھیلا جائے گا۔دونوں ٹیموں کے درمیان 5 ایک روزہ میچوں پر مشتمل سیریز کا پہلا میچ 19 جنوری کو سینٹ جارج پارک پورٹ ایلزبتھ، دوسرا میچ ڈربن کے کنگسمیڈ میں 22 جنوری، تیسرا میچ 25 جنوری کو سپر اسپورٹس پارک سنچورین، چوتھا میچ 27 جنوری کو جوہانسبرگ کے وانڈررز جبکہ پانچواں میچ 30 جنوری کو نیولینڈز کیپ ٹاو¿ن میں کھیلا جائے گا۔آخر میں دونوں ممالک کے درمیان تین ٹی ٹوئنٹی پر مشتمل سیریز کھیلی جائے گی جس کا پہلا میچ یکم فروری کو کیپ ٹاو¿ن، دوسرا میچ 3 فروری کو جوہانسبرگ اور تیسرا اور ا?خری میچ 6 فروری کو سنچورین میں کھیلا جائے گا۔کرکٹ جنوبی افریقہ کے مطابق پاکستان سے قبل زمبابوے اور بعد میں سری لنکا کی ٹیمیں بھی پروٹیز کے خلاف سیریز کھیلیں گے۔یاد رہے کہ پاکستان نے 2013 میں اپنے گزشتہ دورہ جنوبی افریقہ کے دورن مصباح الحق کی قیادت میں ایک روزہ سیریز میں 2-1 سے شکست دی تھی، جس کے ساتھ ہی وہ جنوبی افریقہ کو اس کے ہوم گراو¿نڈ میں شکست دینے والی پہلی ایشیائی ٹیم بن گئی تھی۔