فیروزوالہ (نامہ نگار)ڈاکوئوں نے شادی والی ویگن او ر زمیندار کا گھرلوٹ لیا ، ڈاکو ساٹھ لاکھ روپے کی زیورات اور نقدی لوٹ کر لے گئے، ڈاکوئوں نے خواتین کو تشدد کا نشانہ بنا یا ، بتایا گیا ہے کہ جی ٹی روڈ کی آبادی بھلے بانیوال (رحمان گارڈ ن ) میں ڈاکوئوں نے عزیر خان کے گھر داخل ہو کر اہل خانہ کو یرغمال بنا کر 33لاکھ روپے کی رقم 20تولے زیورات اور تین موبائل اور دیگر سامان لوٹ کر کے گئے، ڈاکوئوں نے واردات کے دوران اہل خانہ کے تمام کمروں کو بند کر کے واردات کی ،یہ وقوعہ تھانہ فیروزوالہ سے چند قدم دور پیش آیا ،ڈاکوئوں نے وہاڑی سے آنے والی بارات کی ویگن کو گن پوائنٹ پر ڈرائیور سمیت اغواء کر کے ویران جگہ پر لے گئے ، یہاں پر ڈاکوئوں نے ویگن سوار خواتین اور باراتی مردوں قطار میں کھڑا کر کے لوٹ مار کی ڈاکوئوںنے خواتین سے زیورات سات لاکھ روپے کی رقم اور موبائل فونز چھین لیے ، متاثرہ باراتی شاہد پرویز کے مطابق وہ اپنی پھوپھی کے بیٹے کی شادی پر شرکت کے لیے آئے تھے بارات سے واپس جاتے ہوئے ، ڈاکوئوں نے ویگن میں لفٹ لینے کے بعد اسے لوٹ لیا، چوروں نے فیکٹری میں داخل ہو کر لاکھوں روپے مالیت کا سکریپ چوری کر لیا۔