پاک فوج میں اعلیٰ سطح پر تقرریاں و تبادلے، لیفٹیننٹ جنرل فیض حمید جی ایچ کیومیں ایڈجوٹینٹ جنرل تعینات

اسلام آباد( سٹاف رپورٹر)پاک فوج میں اعلی سطح پر تقرریاں و تبادلے ہو گئے ہیں جس سے متعلق پاک فوج کے شعبہ تعلقات عامہ کے ڈی جی میجر جنرل آصف غفور نے مائیکروبلاگنگ ویب سائٹ ٹویٹر پر پیغام کے ذریعے تفصیلات سے آگاہ کر دیا۔ ڈی جی آئی ایس پی آرنے بتایا کہ لیفٹیننٹ جنرل فیض حمید جنرل ہیڈ کوارٹر (جی ایچ کیو) میں پاک فوج کے ایڈجوٹنٹ جنرل تعینات کردیے گئے ہیں۔ڈی جی آئی ایس پی آر کے مطابق لیفٹیننٹ جنرل اظہر عباس ڈائریکٹر جنرل جوائنٹ سٹاف مقررکیے گئے ہیں۔ لیفٹیننٹ جنرل نعمان آئی جی سی اینڈ آئی ٹی مقررہوئے ہیں۔ لیفٹیننٹ جنرل ساحرشمشاد مرزا وائس چیف آف جزل سٹاف کی ذمہ داریاں جاری رکھیں گے۔ جبکہ لیفٹیننٹ جنرل عدنان کو کورکمانڈر بہاولپور تعینات کیا گیا۔یاد رہے کہ 12اپریل کو پاک فوج کے چارمیجر جنرلزکو لیفٹیننٹ جنرل کے عہدے پر ترقی دی گئی تھی۔