فضل محمود نیشنل انٹر کلب کرکٹ ٹورنامنٹ ،انور سپورٹس کو پانچ وکٹوں سے شکست

لاہور (سپورٹس رپورٹر): علی گڑھ کرکٹ کلب نے دوسرے فضل محمود نیشنل انٹر کلب کرکٹ ٹورنامنٹ کے لیگ مرحلے میں انور سپورٹس کو پانچ وکٹوں سے شکست دے دی ،،،، ٹیسٹ کرکٹر سمیع اسلم میچ میں آل راؤنڈ کارکردگی پر مین آف دی میچ قرار پائے،،، کرکٹ سینٹر گراؤنڈپر علی گڑھ کلب کی دعوت پر پہلے کھیلتے ہوئے انور سپورٹس کی ٹیم 170 رنز بناکر آؤٹ ہوگئی،،،حذیفہ انور 40 ، زین علی 38 اور امتیاز نواز 22 رنز بناکر نمایاں رہے،،، علی گڑھ کلب کے سمیع اسلم نے تین، جاوید ملک اور ضیا شہزاد نے دودو کھلاڑیوں کو آؤٹ کیا،،،جواب میں علی گڑھ کلب نے 25 ویں اوورمیں پانچ وکٹوں کے نقصان پر 171 رنز بناکر میچ میں کامیابی حاصل کرلی ،،،سمیع اسلم 65 ، جاوید ملک 31 رنز بناکر نمایاں رہے،،،،نوجوان کرکٹرز نے اپنی کارکردگی کی بہتری کے لئے فضل محمود کپ کی طرز پر زیادہ سے زیادہ ٹورنامنٹس کروانے کا مطالبہ کردیا،،زونل لیگ مرحلے کے اختتام پر فاتح ٹیم ریجنل راؤنڈ کے لئے کوالیفائی کرے گی۔