بارسلونا (اے پی پی) فرننڈو ورڈسکو، ٹیلر فرٹز، بینوئٹ پیئر، مکینزی میکڈونلڈ، جوم مونار، جان لینرڈ سٹرف اور نیکولاس جیری فاتحانہ آغاز کرتے ہوئے بارسلونا اوپن ٹینس ٹورنامنٹ مینز سنگلز دوسرے رائونڈ میں پہنچ گئے۔ سپین میں جاری ایونٹ میں کھیلے گئے مینز سنگلز پہلے رائونڈ میچز میں میزبان کھلاڑی ورڈسکو نے عمدہ کارکردگی کا مظاہرہ کرتے ہوئے ہم وطن کھلاڑی فیلی سیانو لوپز کو 6-4 اور 6-3 سے ہرا کر دوسرے رائونڈ میں جگہ بنائی، امریکن کھلاڑی ٹیلر فرٹز نے ہم وطن کھلاڑی ریلی اوپیلکا کو 6-3 اور 6-4 سے شکست دے کر ایونٹ سے باہر کر دیا، فرانس کے بینوئٹ پیئر بھی پہلی آزمائش میں سرخرو رہے۔