راولپنڈی (اپنے سٹاف رپورٹرسے )سپیکر پنجاب اسمبلی چوہدری پرویز الہی کی ہدایت پر مسلم لیگ(ق)راولپنڈی کی ضلعی قیادت حفاظتی کٹس ، سینی ٹائزر اور گلوز لے کر ریسکیو 1122پہنچ گئی سپیکر پنجاب اسمبلی نے اس موقع پر ڈسٹرکٹ ایمرجنسی آفیسر ڈاکٹر عبدالرحمن سے گفتگو کرتے ہوئے کورونا وائرس کی موجودہ صورتحال اور حادثات میں کوئیک رسپانس پر ریسکیو 1122 کی کارکردگی کی تعریف کرتے ہوئے ریسکیو کی ٹیم کو معاشرے کا حقیقی محسن اور ہیرو قرار دیتے ہوئے انہیں یقین دلایا کہ ریسکیو 1122 کے ساتھ ان کا ہمیشہ بھر پور تعاون برقرار رہے گا اس موقع پر ضلعی صدر زبیر احمد خان ، جنرل سیکرٹری فیاض تبسم، رخسانہ بٹر،سینئر راہنما قمر لودھی ، قیصر خان ، مشتاق قریشی اور عظام چوہدری نے ریسکیو 1122 کی ٹیم کی خدمات کو سراہاتے ہوئے انہیں باقاعدہ سیلوٹ پیش کیا مسلم لیگ ضلع کی جانب سے ریسکیو 1122 کو کورونا وائرس سے بچاو کے لیے بیس حفاظتی سوٹ ، دو ہزار گلوز ، اور سینی ٹائزر پیش کیے جس پر ڈائریکٹر ایمرجنسی ریسکیو 1122 نے بھر پور حوصلہ افزائی اور سپورٹ کرنے پر سپیکر پنجاب اسمبلی چوہدری پرویز الہی ،اور مسلم لیگی عہدیدارران کو شکریہ ادا کیا ۔