وزیراعظم کورونا سے لڑ رہےجبکہ (ن)لیگ عمران خان اور نیب پربرس رہی ہے:فردوس عاشق

وزیراعظم کی معاون خصوصی فردوس عاشق اعوان نے کہا ہے کہ وزیراعظم کورونا سے لڑ رہے ہیں جبکہ (ن) لیگ عمران خان اور نیب پربرس رہی ہے، مخالفین سیاسی منافقت ترک کریں، اپوزیشن کا دل اور نیت صاف نہیں، اپوزیشن ہر پل چاہتی ہے عمران خان ناکام ہوں۔وزیراعظم کی معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ عمران خان نے اپنی سوچ، ہمت اورجدوجہد مسلسل سے ناقدین کو ہمیشہ غلط ثابت کیا، اپوزیشن کا دل اور نیت صاف نہیں، ہرپل چاہتے ہیں کہ عمران خان ناکام ہوں۔ ڈاکٹرفردوس عاشق اعوان کا کہنا ہے کہ وزیراعظم کورونا سے لڑرہے ہیں جبکہ کہ (ن) لیگ عمران خان اورنیب پر برس رہی ہے۔ڈاکٹرفردوس عاشق اعوان نے مزید کہا کہ سیاسی مخالفین سیاسی منافقت ترک کریں، نیب بلائے توسماجی فاصلوں کی پرواہ جبکہ دوسری جانب لاپرواہی، ایک طرف لاک ڈاو¿ن سے فرار اوردوسری طرف اصرارہے۔