چونیاں، موڑ کھنڈاسمیت کئی شہروںمیں بجلی ، گیس کی غیر اعلانیہ لوڈشیڈنگ

چونیاں+ موڑکھنڈا+ سرگودھا+ حاصل پور (نامہ نگاران+ نمائندہ خصوصی) چونیاں، موڑکھنڈا، سرگودھا اور حاصل پور میں افطاری اور سحری کے اوقات کار میں سوئی گیس اور بجلی کی غیر اعلانیہ لوڈشیڈنگ سے تنگ شہریوں کا احتجاج کیا۔  لیسکوچونیاں آفس کے اہلکار کافی عرصہ سے پرمٹ کے نام پر ہفتہ میں دو دن صبح سے شام تک بجلی بند کر دیتے ہیں۔ بجلی کی بندش سے کاروبار تباہ ہو رہے ہیں۔ شہریوں نے شدید احتجاج کرتے ہوئے وزیر پانی و بجلی سے مطالبہ کیا کہ غیر اعلانیہ لوڈ شیڈنگ کو کنٹرول کر کے عوام کو ریلیف فراہم کیا جائے۔