جذبہ بدر سے ہردور میںغدر کامقابلہ کیاجاسکتا ہے: شوکت ورک

  لاہور (نیوز رپورٹر)دین فائونڈیشن کے مرکزی چیئرمین ڈاکٹر شوکت ورک نے کہا کہ جذبہ بدر سے ہردور میںغدر کامقابلہ کیاجاسکتا ہے ۔ سرورکونین حضرت محمدرسول اللہ خاتم النبین ﷺ کی قیادت میں غزوہ بدر کے دوران 313مجاہدوں کی تاریخی نصرت میں اسلامیت اورانسانیت کیلئے کئی راز پنہاں ہیں، اس معرکے میں کامیابی وکامرانی سے اسلام کوناقابل بیاںتقویت ملی۔حضرت علی ؓ کی تعلیمات ہرعہد کے مسلمانوں کیلئے مینارہ نور ہیں۔حضرت علی ؓ سمیت ان کے فرزندان حضرت امام حسن ؓاورحضرت امام حسین ؓ نے اپنے مقدس خو ن سے دین فطرت اسلام کوسیراب اورانقلاب برپاکیا۔