پاکستانی 12 ایتھلیٹس کو انٹر نیشنل اولمپک کمیٹی کی سکالرشپ مل گئی

اسلام آباد(آئی این پی)پاکستان کے 12 ایتھلیٹس کو انٹرنیشنل اولمپک کمیٹی آئی او سی اولمپک سالیڈیریٹی کی جانب سے اسکالر شپ مل گئی۔پاکستان کے 12 اتھلیٹس کو 2024 کی سمر اولمپکس گیمز پیرس کی تیاریوں کے سلسلے میں اولمپک سکالر شپ دینے کا فیصلہ کیا گیا ہے۔سکالر شپ پروگرام کے تحت ایتھلیٹس کو تیاریوں کیلئے بہترین سہولیات مہیا کی جائیں گی، جس کیلئے ہر ایتھلیٹ کو 650 ڈالرز ( 1 لاکھ 21 ہزار پاکستانی روپے سے زائد) ماہانہ سکالرشپ دی جائے گی۔نجی ٹی وی کے مطابق سکالر شپ کیلئے منتخب کھلاڑیوں میں ارشد ندیم،ماحور شہزاد،عثمان چاند،گلفام جوزف، انا ابتسام ،کشمالہ طلعت، رسم گل، جہاں آرا نبی، پرنیا زمان خان، محمد نوح دستگیر بٹ شامل ہیں۔واضح رہے کہ پاکستان اولمپکس ایسوسی ایشن نے ایتھلیٹس کیلئے سکالر شپ کی درخواست کی تھی۔