کارلوس براتھویٹ پہلی ہی گیند پر آؤٹ، کار بھی چوری ہو گئی

لندن (یواین پی) انگلش T20 بلاسٹ میں برمنگھم بیئرز کی کپتانی کرنے سے پہلے نول اینڈ ڈورج کرکٹ کلب کی نمائندگی کرنے والے ویسٹ انڈین آل راؤنڈر کارلوس براتھویٹ اس وقت ایک پریشان کن وقت سے گزر رہے تھے جب وہ ٹیم کے لیے ڈیبیو پر پہلی گیند پر صفر پر آؤٹ ہو گئے تھے اور ان کی گاڑی بھی اسی دن چوری ہوگئی۔ بریتھویٹ انجری سے صحت یاب ہونے کے بعد ایکشن میں واپس آئے۔ لیکن ان کا بدترین ممکنہ استقبال ہوا کیونکہ اس نے اپنے چار اوورز میں 31 رنز دیے اور بغیر کسی وکٹ کے چلے گئے۔بعد میں بیٹنگ کے لیے آنے والے بریتھویٹ نے انگلش کلب کرکٹ میں اپنی پہلی گیند پر ایک فیلڈر کے ہاتھ میں کیچ دے دیا اور وہ گولڈن ڈک پر آؤٹ ہوئے۔ آل راؤنڈر نے بعد میں انکشاف کیا کہ ان کی گاڑی بھی چوری ہوئی تھی۔33 سالہ کرکٹر نے بعد میں اپنی آزمائش کا ذکر کرتے ہوئے ٹویٹ کیا۔ ''کل کیسا دن تھا۔ چھ ماہ تک انجری کے بعد پہلی بار کسی میچ میں بولنگ کی، ایک لانگ ہاپ پر کیچ دیدیا، کار چوری ہو گئی۔ لیکن تم جانتے ہو، آج صبح بیدار ہوئے، سورج چمک رہا ہے اور شکر ادا کر رہا ہے۔‘‘براتھویٹ کو مداحوں کی طرف سے کافی ہمدردی ملی جنہوں نے امید ظاہر کی کہ انہیں جلد ہی ان کی گاڑی واپس مل جائے گی، جبکہ دوسروں کو امید ہے کہ کرکٹر جلد ہی فارم میں آئیں گے۔